ഗള്ഫില് ലൈസന്സ് കരസ്ഥമാക്കല് മഹാ മഹം ആദ്യടെസ്റ്റില് തന്നെ കരസ്ഥമാക്കി വിജയ കൊടി പാറിച്ചെങ്കിലും. റോഡില് ഇറങ്ങിയുള്ള അഭ്യാസ പ്രകടനങ്ങള്ക്ക് എന്റ മനസില് ചെറിയ ആശങ്കകള് ഉണ്ടായിരുന്നു. സ്ഥല പരിചയമില്ലാഴ്മയും മിണ്ടിയാല് ഫൈനാണെന്ന കേട്ട് കേള്വിയും ഈ ആശങ്കയെ വര്ദ്ദിപ്പിച്ചിരിക്കുന്ന സമയത്താണ് ഓഫീസില് നിന്ന് കാര് ലഭിക്കുന്നത്. പിന്നെ ഒന്നും നോക്കിയില്ല പടച്ചോനെ ഇങ്ങള് നോക്ക്യോളീന്നും പറഞ്ഞ് യാത്ര തുടങ്ങി.
താമസിക്കുന്ന എമിറേറ്റായ അജ്മാനില് വലിയ ആശങ്കയില്ലാതെ യാത്ര പുരോഗമിച്ചെങ്കിലും, ഷാര്ജാ ദുബൈ യാത്രകള് ശരിക്കും വട്ടം കറക്കി. എന്നാല് ഗൂഗിള് ആപ്പിന്റ സഹായത്താല് യാത്രകള് തുടരുന്നതിനിടയിലാണ്. അടുത്ത ദിവസത്തില് ദുബൈ യാത്രയില് സഹായത്തിനുണ്ടായിരുന്ന ഗൂഗിള് ആപ്പും ദുബൈ ആര്.ടി.എയുടെ സ്മാര്ട്ട് ആപ്പും ചേര്ന്ന് എന്നെ അങ്ങ് സഹായിച്ചു ഒരു പരുവത്തിലാക്കി കളഞ്ഞു.
എന്റ ഓഫീസില് നിന്ന് ഞാന് യാത്ര തുടങ്ങുന്പോള് ഞാന് ആദ്യം ഗൂഗിള് മാപ്പില് സ്ഥലം രേഖപ്പെടുത്തി. യാ്ത്ര തുടങ്ങി എമിറേറ്റ്സ് റോഡിലൂടെ കാര് മുന്നോട്ട് കുതിച്ചു തുടങ്ങിയെങ്കിലും ഷാര്ജക്കും ദുബൈയ്ക്കും ഇടയില് എന്നെ ഗൂഗിള് വഴി തെറ്റിക്കുന്നതായി എനിക്ക് ആശങ്കയായി. ഞാന് ഉടന് ആര്.ടി.എ യുടെ സ്മാര്ട്ട് ആപ്പിന്റ സഹായം തേടി. സ്മാര്ട്ട് ആപ്പിന് പുതിയ വിവരങ്ങള് അറിയില്ലെന്നും അപ്പ്ഡേറ്റ് ആവശ്യമാണെന്ന വിവരം എന്നെ അറീച്ചു.
പിന്നെ ഒന്നും നോക്കിയില്ല ഞാന് വീണ്ടും ഗൂഗിള് ആപ്പിന്റ സഹായം തന്നെ തേടി. യാത്ര വലിയ തരക്കേടില്ലാതെ മുന്നോട്ട് പോയി കൊണ്ടിരിക്കുന്ന വേളയില് വഴികാട്ടിയായ സ്ത്രീ ശബ്ദം ശരിക്കും വട്ടം കറക്കാന് തുടങ്ങി.സ്ക്രീനില് നേക്കാനും വയ്യ. തിരക്കുള്ള റോഡ്. ശബ്ദത്തിന് അനുസരിച്ചാണ് മുന്നോട്ടുള്ള പ്രയാണം. യൂ ടേണ് ലെഫ്റ്റ് എന്ന് പറഞ്ഞ് അല്പ്പ സമയത്തിനകം ടേണ്ലെഫ്റ്റെന്നും കീപ്പ് റൈറ്റെന്ന് പറഞ്ഞ് ശരിക്കും കണ്ഫ്യൂഷന് സൃഷ്ടിച്ചു കൊണ്ടിരുന്നു. ഞാന് ശരിക്കും പെട്ടു. ശരിക്കും ഒന്ന് രണ്ട് സ്ഥലത്ത് ഒന്ന് കറങ്ങി.
പിന്നെ ആപ്പിന്റ സഹായം ഉപേക്ഷിച്ച് സൂചക ബോര്ഡുകളുടെ സഹാത്തോടെയായി യാത്ര. സമയം വളരെ കുറവ്. എന്റ കയ്യിലുള്ള പാസ്പോര്ട്ടും പ്രതീക്ഷിച്ച് എയര്പോര്ട്ടില് ഓഫീസിലെ സഹ പ്രവര്ത്തകന് കാത്തിരിക്കുന്നുണ്ട്. ഏതായാലും പ്രതീക്ഷിച്ചതിലും പത്ത് മിനിറ്റ് വ്യത്യസത്തില് സ്ഥലത്ത് എത്തുകയും രേഖകള് കൈമാറുകയും ചെയ്തു.
തിരിച്ച് ഓഫീസിലേക്ക് മടങ്ങണം. ആപ്പിന്റ സഹായം തേടണോ അതോ സൂചക ബോര്ഡില് ശരണം തേടണോ. എതായാലും സൂചക ബോര്ഡിനെ തന്നെ ശരണം തേടി മടക്ക യാത്ര ആരംഭിച്ചു. നമ്മുടെ ഗൂഗിള് ആപ്പിനെ സ്ത്രീ ശബ്ദം സ്റ്റേറ്റ്...റൈറ്റ്...ലെഫ്റ്റെന്ന്ന് പറയുന്നുണ്ടെങ്കിലും വലിയ രീതിയില് അതിനെ ശ്രദ്ധിക്കാന് പോയില്ല. യാത്ര ഗംഭീരമായി പുരോഗമിക്കുകയാണ്. ഷാര്ജയില് എത്തിയിരിക്കുന്നു. വഴിയുടെ കാര്യത്തില് ചെറിയ ആശങ്ക വന്നു. ഞാന് കാര് റോഡിന് അരികില് നിര്ത്തി. ആപ്പിന്റ സഹായ തേടുകയെന്ന് ഉറച്ച് മൊബൈല് എടുത്തു. ഈ സമയത്താണ് ഞാന് ശ്രദ്ധിക്കുന്നത്. ഒരേ സമയം രണ്ട് ആപ്പാണ് വര്ക്ക് ചെയ്ത് കൊണ്ടിരിക്കുന്നത്. ഒരു ആപ്പ് ട്രാഫിക്ക് കുറഞ്ഞ വഴിയും മറ്റേ ആപ്പ് നേരെയുള്ള വഴിയുമാണ് പറയുന്നത്.ഈ രണ്ട് സ്ത്രീ രത്നങ്ങളുടെ വഴി കാട്ടലാണ് എന്നെ വട്ടം കറക്കിയത്. ഞാന് ആപ്പ് ക്ലോസ് ചെയ്യാന് ശ്രമിച്ചിട്ട് ഒരു രക്ഷയുമില്ല. ക്ലോസാവുന്നില്ല. മൊബൈയില് ഓഫ് ചെയ്ത് ഓണാക്കി. പീന്നിട് ഒരു ആപ്പ് മാത്രമായി ഓണ്ചെയ്ത് റൂട്ട് റഡിയാക്കി യാത്ര തുടര്ന്നെങ്കിലും സൂചക ബോര്ഡുകള് നോക്കി യാത്ര ചെയ്യാന് ഞാന് പഠിച്ചിരിക്കുന്നുവെന്ന സത്യം എനിക്ക് മനസിലായി. ഓഫീസില് തിരിച്ചെത്തി പ്രതീക്ഷിച്ചെതിലും വളരെ നേരത്തെ. പുതു സാങ്കേതിക വിദ്യകളെ പൂര്ണ്ണമായും ആശ്രയിക്കേണ്ടതില്ലെന്ന തീരുമാനത്തിലാണ് ഈ യാത്ര എന്നെ കൊണ്ടെത്തിച്ചിരിക്കുന്നത്.
സക്കീര് മുക്കം.
No comments:
Post a Comment