കത്തിത്തീരാതെ സെല്ലുലോയ്ഡ്

പി.വി. വേണുഗോപാല്‍

ജെ. സി. ഡാനിയേലിന്റെ ജീവിതകഥയെ ആസ്പദമാക്കി കമല്‍ സംവിധാനം ചെയ്ത സെല്ലുലോയ്ഡ് ഉയര്‍ത്തുന്ന പുതിയ വിവാദങ്ങളുടെ പശ്ചാത്തലത്തില്‍ ജീവചരിത്രകാരനായ ചേലങ്ങാട്ട് ഗോപാലകൃഷ്ണന്‍ നടന്നുതീര്‍ത്ത ദുഷ്കരമായ വഴികളെപ്പറ്റി മകന്‍ സാജുചേലങ്ങാട്ട്

ഞങ്ങള്‍ വളരെ കഷ്ടത്തിലാണു കഴിയുന്നത്. നിങ്ങളെല്ലാവരും കൂടി ഉല്‍സാഹിച്ച് ഞങ്ങളെ സഹായിക്കണമെന്ന വിശ്വാസത്തോടെ കാത്തിരിക്കുന്നു. ദൈവസഹായത്തിനുവേണ്ടി ദൈവത്തോട് കണ്ണീരോടെ അപേക്ഷിക്കുന്നു. നിങ്ങള്‍ പ്രയാസപ്പെട്ട് ഞങ്ങളെ സഹായിക്കണം.
ദാരിദ്യ്രത്തിന്റെയും രോഗങ്ങളുടെയും പിടിയിലകപ്പെട്ട് ജീവിതസായന്തനത്തില്‍ ജെ.സി. ഡാനിയേലിന്റെ ഭാര്യ ജാനറ്റ് ചേലങ്ങാട്ട് ഗോപാലകൃഷ്ണന് എഴുതിയ കത്തിലെ വരികളാണിവ. മലയാളത്തിലെ ആദ്യ സിനിമയായ വിഗതകുമാരനും അതിന്റെ നിര്‍മാതാവും സംവിധായകനും നായകനുമായ ജെ.സി. ഡാനിയേലും കന്നിചലച്ചിത്രത്തിലെ നായിക പി.കെ. റോസിയുമൊക്കെ അവഗണനയുടെ കയങ്ങളിലേക്ക് എറിയപ്പെട്ടത് എങ്ങനെയെന്ന് ഇന്നു ലോകത്തിനറിയാം. അവഗണനയുടെ ലോകത്തു നിന്ന് അവരെ കൈപിടിച്ചുയര്‍ത്തി മലയാള സിനിമയുടെ പൂമുഖത്ത് അര്‍ഹിക്കുന്ന അംഗീകാരത്തോടെ കയറ്റിയിരുത്തിയ ചേലങ്ങാട്ട് ഗോപാലകൃഷ്ണനും ഇന്ന് ചരിത്രത്തിന്റെ ഭാഗം.

എന്തുകൊണ്ട്?
അണാപൈസയുടെ കണക്കില്‍ പരാജയപ്പെട്ടുപോയ വിഗതകുമാരനും അതിന്റെ നിര്‍മാതാവും സംവിധായകനും നായകനുമായ ജോസഫ് ചെല്ലയ്യ ഡാനിയേല്‍ നാടാരും നായികയായിരുന്ന പി.കെ. റോസിയുമൊക്കെ എട്ടു പതിറ്റാണ്ടിനിപ്പുറവും മലയാളത്തിന്റെ സാമൂഹിക-രാഷ്ട്രീയ-സാംസ്കാരിക മണ്ഡലത്തെ എന്തുകൊണ്ട് അലോസരപ്പെടുത്തുന്നു?
കറകളഞ്ഞ ദേശീയവാദിയെന്ന് അറിയപ്പെട്ട മലയാളി പത്രാധിപര്‍ കുട്ടനാട് രാമകൃഷ്ണപിള്ളയും രാഷ്ട്രീയത്തിലെ ദ്രോണാചാര്യരെന്ന് അറിയപ്പെട്ട കെ. കരുണാകരനും മലയാളസാഹിത്യ സിനിമാരംഗങ്ങളിലെ പ്രാമാണിക വ്യക്തിത്വമായ മലയാറ്റൂര്‍ രാമകൃഷ്ണനുമൊക്കെ എന്തുകൊണ്ട് ആവര്‍ത്തിച്ച് കുറ്റവിചാരണ ചെയ്യപ്പെടുന്നു? എന്തുകൊണ്ട് കെ. മുരളീധരനും എന്‍. എസ്. മാധവനും എന്‍. മാധവന്‍ കുട്ടിയുമടക്കമുള്ള സമകാലിക രാഷ്ട്രീയ സാഹിത്യ-സാംസ്കാരിക നേതാക്കള്‍ വിഗതകുമാരനുയര്‍ത്തുന്ന അലോസരത്തിന്റെ ചരടില്‍ കുരുങ്ങിപ്പോവുന്നു?
ഈ ചോദ്യങ്ങള്‍ മലയാളിയുടെ സാംസ്കാരിക അടിത്തറയുടെ ജനിതകഘടന കൂടിയാണ് വെളിപ്പെടുത്തുന്നത്.

ചെമ്പുപട്ടയം തേടി കണ്െടത്തിയ സുവര്‍ണസത്യം
1893ല്‍ അഗസ്തീശ്വരത്ത് ജനിച്ച ജോസഫ് ചെല്ലയ്യ ഡാനിയേല്‍ നാടാരും 1932 ജൂണ്‍ 5ന് ചേര്‍ത്തലയില്‍ ജനിച്ച ചേലങ്ങാട്ട് ഗോപാലകൃഷ്ണനും തമ്മില്‍ ലാഭത്തിന്റെ പുസ്തകത്തില്‍ കുറിച്ചിടാനുള്ള ബന്ധമൊന്നും ഉണ്ടായിരുന്നില്ല. എന്നിട്ടുമെന്തിന് ചേര്‍ത്തലക്കാരന്‍ ഗോപാലകൃഷ്ണന്‍ നാഗര്‍കോവിലുകാരന്‍ ഡാനിയേലിനെ തേടിയലഞ്ഞു? ശക്തനായ ഭരണാധികാരിയോടും പ്രശസ്തനായ സാഹിത്യകാരന്‍ കൂടിയായ ഉദ്യോഗസ്ഥ പ്രമുഖനോടും കറകളഞ്ഞ ദേശീയവാദിയായ സ്വന്തം പത്രാധിപരോടും ഡാനിയേല്‍ വിഗതകുമാരനെച്ചൊല്ലി എന്തിനിടഞ്ഞു?
ഒരു പണ്ഡിതനും തെളിച്ച ചരിത്രവഴിയിലൂടെ ആയിരുന്നില്ല ചേലങ്ങാടന്റെ ഹൃദയത്തിലേക്ക് ജെ.സി. ഡാനിയേല്‍ തുളച്ചുകയറിയത്.
ദീനബന്ധുവിലും മലയാളിയിലും സിനിമാലേഖനങ്ങള്‍ തുടര്‍ച്ചയായി എഴുതിവന്നിരുന്ന ചേലങ്ങാട്ട് ഗോപാലകൃഷ്ണന്റെ ഡാനിയേലിനെ തേടിയുള്ള യാത്ര ആരംഭിക്കുന്നത് പുരാവസ്തു സംരക്ഷണകേന്ദ്രമായ ലെക്സിക്കനില്‍ നിന്നാണ്. ചേലങ്ങാട്ട് ലെക്സിക്കനില്‍ എത്തിയത് വസ്തുസംബന്ധമായ പഴയ ചില ചെമ്പുപട്ടയങ്ങള്‍ തേടിയായിരുന്നു. ആ തിരച്ചിലിനിടയില്‍ സിനിമാകമ്പക്കാരനായ ഗോപാലകൃഷ്ണന്റെ മനസ്സിലേക്ക് ജെ.സി. ഡാനിയേലിനെ കടത്തിവിട്ടത് തിരുവനന്തപുരത്തുകാരായ ചില ലെക്സിക്കന്‍ ജീവനക്കാരായിരുന്നു. അവരാണ് ഡാനിയേല്‍ കേരളത്തിലെ ആദ്യ സ്റുഡിയോ സമുച്ചയം ഒരുക്കിയ തിരുവനന്തപുരത്തെ ശാരദാവിലാസമെന്ന വീടിന്റെ ഉടമ നാഗപ്പന്‍ നായരെക്കുറിച്ചുള്ള വിവരങ്ങള്‍ അദ്ദേഹത്തിനു നല്‍കിയത്. ലെക്സിക്കന്‍ ഉദ്യോഗസ്ഥരും നാഗപ്പന്‍ നായരും നല്‍കിയ വിവരങ്ങളുടെ അടിസ്ഥാനത്തിലായിരുന്നു വിഗതകുമാരനെപ്പറ്റിയുള്ള ചേലങ്ങാടിന്റെ ആദ്യലേഖനം. മലയാള സിനിമയ്ക്ക് വരേണ്യവര്‍ഗം ചമച്ച ചരിത്രത്തെ വെണ്ണീരാക്കാനുള്ള ആദ്യ തീപ്പൊരിയായിരുന്നു അത്. പിന്നീട് ആ അഗ്നി ആളിക്കത്തിച്ചതും സാമ്പ്രദായിക ചരിത്രകാരന്മാരുടെയോ അക്കാദമിക് ബുദ്ധിജീവികളുടെയോ സഹായത്താലല്ലെന്നതാണ് ചേലങ്ങാടന്റെ അന്വേഷണയാത്രയെ വ്യത്യസ്തമാക്കുന്നത്.

തമ്പാനൂര്‍ ബസ്സ്റാന്റിന്റെ കിഴക്കുപുറത്തെ വാകമരച്ചോട്ടിലെ മുറുക്കാന്‍ കടക്കാരനും കടയ്ക്കു മുമ്പില്‍ വര്‍ത്തമാനം പറഞ്ഞിരുന്ന നാട്ടുകാരില്‍ ചിലരും കന്യാകുമാരിയിലെ അലക്കുകാരന്‍ പെരുമാളും കവടിയാര്‍ കൊട്ടാരത്തിനു സമീപമുള്ള കപ്പേളയിലെ സൂക്ഷിപ്പുകാരനുമൊക്കെ ഉള്‍പ്പെടുന്ന, ചരിത്രത്തില്‍ നിന്ന് എപ്പോഴും അകറ്റിനിര്‍ത്തപ്പെടുന്ന സാധാരണക്കാരാണു ചേലങ്ങാട്ടിന്റെയും ജെ.സി. ഡാനിയേലിന്റെയും ചരിത്രപരമായ കണ്ടുമുട്ടലിന് വേദിയൊരുക്കിയത്.
ആ കണ്ടുമുട്ടലിനെ തുടര്‍ന്നായിരുന്നു വിഗതകുമാരന്‍ കേരളത്തിന്റെ സാംസ്കാരിക മണ്ഡലത്തില്‍ വീണ്ടും അലോസരം സൃഷ്ടിച്ചത്. കുപ്പമാടയില്‍ ഒടുങ്ങേണ്ട പുലയക്കിടാത്തി അഭ്രപാളികളില്‍ നായര്‍വേഷം ധരിച്ചെത്തിയ സവര്‍ണ പ്രമാണിമാരില്‍ സൃഷ്ടിച്ച ആദ്യ അലോസരം റീവൈന്‍ഡ് ചെയ്യപ്പെടുമായിരുന്നു അവിടെ. കത്തിച്ചുപിടിച്ച ചൂട്ടിന്റെ വെളിച്ചത്തിനു പിന്നാലെ നടന്ന് നാടുനീളെ ബാന്ധവവും സംബന്ധവുമായിക്കഴിഞ്ഞ സദാചാരപ്രമാണിമാര്‍ ഒരു ശൃംഗാരരംഗത്തിന്റെ പേരില്‍ അഭ്രപാളികള്‍ക്ക് തീവച്ചതും ക്യാപിറ്റോള്‍ തിയേറ്റര്‍ കല്ലെറിഞ്ഞു തകര്‍ത്തതും മലയാളത്തിലെ ആദ്യനായികയെ തല്ലിയോടിച്ചതും ഒരുവട്ടം കൂടി കേരളം ചര്‍ച്ച ചെയ്തതപ്പോഴാണ്. സര്‍വതും വിറ്റുതുലച്ച് കൊല്‍ക്കത്തയിലും മദിരാശിയിലും ബോംബെയിലും അലഞ്ഞുതിരിഞ്ഞ് സിനിമ പഠിച്ചു പകര്‍ത്തിയ ഡാനിയേല്‍ എന്ന നാടാരുടെ സ്വപ്നങ്ങളെ കല്ലിന്മേല്‍ കല്ലു ശേഷിക്കാതെ സവര്‍ണന്‍ തകര്‍ത്തുകളഞ്ഞതും അന്ന് കേരളം വീണ്ടും ചര്‍ച്ച ചെയ്തു. അവര്‍ണനെ സിനിമാചരിത്രത്തില്‍ നിന്നു തൊഴിച്ചു പുറത്താക്കിയ ഭൂതകാലത്തിന്റെ ദുഷ്ചെയ്തിയോട് ചേലങ്ങാട്ട് ഗോപാലകൃഷ്ണന്‍ എന്ന ഒറ്റയാന്‍ നടത്തിയ പോരാട്ടമാണ് കേരളം പിന്നീട് കണ്ടത്. ടി.ആര്‍. സുന്ദരം മുതലാളിയെ മലയാള സിനിമയുടെ പിതൃസ്ഥാനത്തു പ്രതിഷ്ഠിക്കാന്‍ ആഢ്യന്മാര്‍ കച്ചകെട്ടിയിറങ്ങിയ കാലമായിരുന്നു അത്. അതുകൊണ്ടുതന്നെ വിഗതകുമാരനെന്ന ഒരു സിനിമയോ ജെ.സി. ഡാനിയേല്‍ എന്ന സിനിമക്കാരനോ ഉണ്ടായിരുന്നേയില്ലെന്നായിരുന്നു അന്ന് ഇത്തരക്കാരുടെ പ്രചാരണം.
എന്നാല്‍, ജെ.സി. ഡാനിയേല്‍ ആണ് ആദ്യത്തെ മലയാള സിനിമ നിര്‍മിച്ചതും സംവിധാനം ചെയ്തതും മുഖ്യവേഷത്തില്‍ അഭിനയിച്ചതും എന്ന വസ്തുത ഗണനീയവും വിശ്വാസയോഗ്യവുമായ തെളിവുകളുടെയും വസ്തുതകളുടെയും പിന്‍ബലത്തോടെ ചേലങ്ങാട്ട് സ്ഥാപിച്ചെടുക്കുക തന്നെ ചെയ്തു.
അപ്പോഴാണ് രണ്ടാം തലമുറയിലെ രാഷ്ട്രീയ-സാഹിത്യ-മാധ്യമ സവര്‍ണലോബി ഒരുമിച്ചു ചേര്‍ന്നത്. "നാഗര്‍കോവിലുകാരന്‍ തമിഴന് കേരളത്തില്‍ നിന്നു പെന്‍ഷന്‍ നല്‍കാന്‍ കഴിയില്ലെ''ന്ന് കരുണാകരന്‍ വിധിച്ചതും "നിശ്ശബ്ദചിത്രമെങ്ങനെ മലയാളചിത്രമാവും'' എന്ന്
മലയാറ്റൂര്‍ രാമകൃഷ്ണ അയ്യര്‍ വാദിച്ചതും ചരിത്രം. തീ പാറുന്ന വാക്കുകളുമായി ചേലങ്ങാട്ട് തന്നെ യുദ്ധം തുടര്‍ന്നപ്പോള്‍ മലയാളി പത്രാധിപരായ കുട്ടനാട് രാമകൃഷ്ണപിള്ള 'കണ്ട മാപ്പിള'യെ മലയാള സിനിമയുടെ പിതൃസ്ഥാനത്തു സ്ഥാപിക്കാന്‍ ശ്രമിക്കുന്ന ചേലങ്ങാടിനെതിരേ തിരിഞ്ഞതും അപ്പോഴാണ്.
ഇപ്പോള്‍ അലോസരത്തിന്റെ മൂന്നാം ഖണ്ഡം ഈ തലമുറയിലെ മാധ്യമ-സാഹിത്യ-രാഷ്ട്രീയ വ്യക്തിത്വങ്ങള്‍ വിവാദത്തിന്റെ ചുവടുപിടിച്ച് വിസര്‍ജിക്കുന്നത് വാക്കുകള്‍ക്കും വാചകങ്ങള്‍ക്കു പോലും വ്യത്യാസമില്ലാതെ കഴിഞ്ഞ തലമുറ ഉയര്‍ത്തിയ അതേ ചോദ്യങ്ങളും ന്യായങ്ങളുമാണ്.
പതിറ്റാണ്ടുകള്‍ക്കു മുമ്പ് നാഷനല്‍ ഫിലിം ആര്‍ക്കൈവ്സിലെ അസിസ്റന്റ് ക്യൂറേറ്റര്‍ ആയിരുന്ന പി. കെ. നായര്‍ വിഗതകുമാരന്‍ എന്നൊരു സിനിമയെപ്പറ്റി കേട്ടറിവുപോലുമില്ലെന്ന് ചേലങ്ങാട്ട് ഗോപാലകൃഷ്ണനെ അറിയിച്ചു. വള്ളിപുള്ളി വ്യത്യാസമില്ലാതെ കഴിഞ്ഞ ദിവസം ലോകസിനിമയെപ്പറ്റി ബൃഹദ്ഗ്രന്ഥമെഴുതിയ തോട്ടം രാജശേഖരനെന്ന മുന്‍ ഉദ്യോഗസ്ഥ പ്രമുഖനും പറഞ്ഞത് അതേ കാര്യം! മാപ്പിളയെ അകറ്റിനിര്‍ത്താന്‍ കഴിഞ്ഞ തലമുറയിലെ 'വിശാരദന്മാര്‍' പറഞ്ഞ വാക്കുകളും വാചകങ്ങളും തന്നെയാണ് വിഗതകുമാരനും ഡാനിയേലിനും ചേലങ്ങാട്ടിനുമെതിരേ ഇപ്പോള്‍ വാളോങ്ങുന്നവരും വിളമ്പുന്നതെന്ന് ഒറ്റ നോട്ടത്തില്‍ തന്നെ വ്യക്തമാണ്. ചേലങ്ങാട്ട് ഗോപാലകൃഷ്ണന്‍ കണ്െടത്തിയ ചരിത്രസത്യം ഈ തലമുറയിലെ വരേണ്യവര്‍ഗത്തിന് അലോസരമുണ്ടാക്കുന്നുവെന്നാണ് ഇത് വെളിപ്പെടുത്തുന്നത്. ഭരണപക്ഷ വരേണ്യസ്തുതിപാഠകര്‍ക്ക് നിരന്തരം അലോസരം സൃഷ്ടിക്കുന്നുവെന്നാണ് ചേലങ്ങാട്ടിന്റെ കണ്െടത്തലുകളെ കാലാതിവര്‍ത്തിയാക്കുന്നതും. ഒരര്‍ഥത്തില്‍ തലമുറകളില്‍ നിന്നും തലമുറകളിലേക്കു പകരുന്ന ഇത്തരം അലോസരങ്ങളാണല്ലോ ചരിത്രത്തെ നേര്‍വഴി നടത്തുന്നത്.

നോവലിസ്റ് പറയുന്നത്

വസ്തുതകള്‍ ശരിക്കു പഠിക്കാതെയാണ് എന്‍. എസ്. മാധവനെപ്പോലുള്ളവര്‍ സെല്ലുലോയ്ഡിനെ സംബന്ധിച്ച വിവാദത്തില്‍ അഭിപ്രായപ്രകടനങ്ങള്‍ നടത്തുന്നതെന്നു സിനിമയ്ക്കാധാരമായ നഷ്ടനായിക എന്ന നോവലിന്റെ രചയിതാവ് വിനു എബ്രഹാം വ്യക്തമാക്കി.
"2005ല്‍ തിരുവനന്തപുരത്ത് നടന്ന അന്താരാഷ്ട്ര ചലച്ചിത്രോല്‍സവവേദിയില്‍ വിതരണം ചെയ്യപ്പെട്ട ഒരു ലഘുലേഖയാണ് വിഗതകുമാരനിലെ നായികയായ പി. കെ. റോസിയെക്കുറിച്ച് കൂടുതല്‍ അന്വേഷണം നടത്താന്‍ പ്രേരിപ്പിച്ചത്''- അദ്ദേഹം പറഞ്ഞു. "തലസ്ഥാനനഗരിയിലെ ദലിത് പ്രവര്‍ത്തകരായ ആര്‍. ഗോപാലകൃഷ്ണന്‍, എസ്. എം. മണി തുടങ്ങിയവരില്‍ നിന്നു റോസിയെക്കുറിച്ചുള്ള കൂടുതല്‍ വിവരങ്ങള്‍ ലഭിച്ചു. പിന്നെയും പല അന്വേഷണങ്ങള്‍ക്കും ശേഷമാണ് നഷ്ടനായിക രചിക്കുന്നത്.''
"1970ല്‍ സി. അച്യുതമേനോന്‍ മുഖ്യമന്ത്രിയായിരിക്കുമ്പോള്‍ സിനിമാവ്യവസായത്തെപ്പറ്റി പഠിക്കാന്‍ നിയുക്തമായ കമ്മിറ്റിയുടെ ചെയര്‍മാന്‍ എന്ന നിലയിലാണു മലയാറ്റൂര്‍ രാമകൃഷ്ണനെ, ചേലങ്ങാട്ട് ഗോപാലകൃഷ്ണന്‍ സമീപിക്കുന്നത്. അന്നദ്ദേഹം നിഷേധാത്മകമായാണു പ്രതികരിച്ചതെന്നു ചേലങ്ങാട്ട് തന്നെ എഴുതിയിട്ടുണ്ട്. പിന്നീട് 1975ല്‍ കെ. കരുണാകരന്‍ ചലച്ചിത്രവകുപ്പിന്റെ ചുമതല വഹിക്കുമ്പോള്‍ വീണ്ടും സിനിമാപിതാവ് ആരെന്ന ചോദ്യം ഉയര്‍ന്നുവന്നു. ഉദ്യോഗസ്ഥന്മാരുടെ വിശദീകരണത്തില്‍ കവിഞ്ഞ് അദ്ദേഹവും പ്രശ്നം പഠിച്ചിട്ടുണ്ടാവണമെന്നില്ല. അങ്ങനെയാണു മലയാറ്റൂരും കരുണാകരനും ഈ വിഷയത്തില്‍ വിവാദപുരുഷന്മാരായിത്തീരുന്നത്.''
"നഷ്ടനായിക സിനിമയാക്കാന്‍ ബ്ളെസി ആലോചിച്ചിരുന്നുവെങ്കിലും നിര്‍മാതാക്കളെ കിട്ടാത്തതുകൊണ്ട് ആ പ്രോജക്ട് നീണ്ടുപോയ സാഹചര്യത്തിലാണു കമല്‍ സാര്‍ മുന്നോട്ടുവന്നത്''- വിനു വ്യക്തമാക്കി.

- തേജസ്‌ ദിനപത്രം -

വിശ്വരൂപം എതിര്‍ക്കപ്പെടുമ്പോള്‍

മുസ്ലിം നാമധാരിയായ ഒരു ഇന്ത്യന്‍ മേജര്‍ ലോകത്തെ ഒരേയൊരു ലൈവ് ഏജന്‍ായി അല്‍ക്കൊയ്ദയുടെ ഉള്ളിലേക്കു നുഴഞ്ഞുകയറുന്നതും അവരുടെ രഹസ്യ താവളങ്ങളും പദ്ധതികളും മനസ്സിലാക്കി അതിന്നനുസരിച്ച് ലോകത്തെ രക്ഷിക്കാന്‍ പെടാപാടു പെടുന്നതുമാണ് വിശ്വരൂപത്തിന്റെ കഥാതന്തു. കഴിഞ്ഞ ദിവസം കമലഹാസന്റേതായി നെറ്റിലൊക്കെ വന്ന ഒരു പ്രസ്താവനയിലെ അവസാനഭാഗത്ത് ഇങ്ങനെ പറയുന്നുണ്ട് ദേശസ്‌നേഹികളായ മുസ്ലിംകള്‍ക്ക് ഈ സിനിമയില്‍ പ്രശ്‌നങ്ങള്‍ കണ്ടെത്താനാവില്ല എന്ന്. വിശ്വരൂപം എന്ന സിനിമ ഏതെങ്കിലും ദേശത്തിനോട് കൂറ് ഉണ്ടാവണം എന്നു പറയുന്ന സിനിമയല്ല. അത് ഡീല്‍ ചെയ്യുന്നത് ആഗോള ഭീകരത, അതിന്റെ രക്ഷാകര്‍ത്താക്കളായ അമേരിക്കന്‍ ചങ്ങാതിമാര്‍, പിന്നെ അല്‍ക്കൊയ്ദ... ഇതിലെവിടെയാണ് ദേശസ്‌നേഹവും മറ്റും വരുന്നത്.. എത്രമാത്രം ബാലിശമായിട്ടാണ് അല്‍ക്കൊയ്ദ എന്ന സംഘത്തിലേക്ക് കാഷ്മീരി എന്നു പേരിലിലുള്ള, അറബി അറിയാത്ത, തമിഴും ഇംഗ്ലീഷും മാത്രം സംസാരിക്കുന്ന കമലഹാസന്‍ കയറിപ്പറ്റുന്നത് കാണിച്ചതെന്നോ.. ഹോ.. ഭയങ്കരം.. ഭയാനകം....അയാളവിടെ ആരുമായും അധികം ഇന്ററാക്ട് ചെയ്യുന്നില്ല. എന്തിന് മുസ്ലിംകള്‍ പരസ്പരം കാണുമ്പോള്‍ സാധാരണയായി ചെയ്യുന്ന കെട്ടിപ്പിടുത്തത്തിനുപോലും ഇയാള്‍ നില്‍ക്കുന്നില്ല. ഒരു സന്ദര്‍ഭത്തില്‍ ഈ രക്ഷകന്‍ ഉസാമയുടെ അടുത്തയാളായ ഉമറി (രാഹുല്‍ ബോസ്) നോട് പറയുന്നുണ്ട് തന്തയാരാണെന്ന് ഒരു ഉറപ്പുമില്ലാത്ത നിങ്ങളെപ്പോലുള്ളവര്‍ക്ക് സ്‌റ്റോംഗ് അല്‍പം കൂടുതലായിരിക്കും അല്ലേന്ന്.. ഇതൊക്കെ പരിചയപ്പെട്ട അന്ന് തന്നെ സംഭവിക്കുന്നതാണ് കേട്ടോ..എന്നിട്ടും പാവം അല്‍ക്കൊയ്ദക്കാര്‍ കമലഹാസനെ കൂടെ നിര്‍ത്തി ഭാവി പരിപാടികളൊക്കെ വിശദമായി പറഞ്ഞുകൊടുക്കുന്നു.. അയാളത് അപ്പപ്പോള്‍ അറിയിക്കേണ്ടവരെ അറിയിക്കുന്നു. എന്താ ല്ലേ... ഇതിലേറ്റവും രസകരം എന്നു എനിക്കു തോന്നിയ ഒരു സീനുണ്ട്. പറയാം. സിനിമയുടെ ക്ലൈമാക്‌സിനടുത്ത് ഒരു ഭയങ്കര ബോംബനെ പിടിയ്ക്കാനായി സകല പോലീസും കമലഹാസനും രണ്ടു സുന്ദരികളും ഒരു മുറിക്കകത്ത് നില്‍പാണ്.. അപ്പൊ ബാങ്ക് വിളിച്ചാട്ടാവാം അല്‍ക്കൊയ്ദക്കാരന്‍ അവന്റെ മുറിയില്‍ നിസ്‌കാരം തുടങ്ങി.. ഇവിടെ എഫ്ബിഐക്കാരന്‍ നോക്കുമ്പോളുണ്ട് നമ്മുടെ കമലഹാസന്‍ നിസ്‌കരിക്കുന്നു.. ......ചോദ്യം: ഹാ.. ഇയ്യാളിതെന്താ ഈ ചെയ്യുന്നത്... ഉത്തരം: ങ്.. ചിലപ്പോള്‍ പ്രാര്‍ത്ഥിക്കുന്നതായിരിക്കും... ഹോ.. ... അതേ സുഹൃത്തുക്കളേ ഈ അല്‍ക്കൊയ്ദയേയും അതുപോലുള്ള എല്ലാ തീവ്രവാദികളേയും ഇല്ലായ്മ ചെയ്യേണ്ടത് അഞ്ചുനേരം കര്‍ശനമായി നിസ്‌കരിക്കുന്ന ഓരോ മുസ്ലിമിന്റേയും ബാധ്യയാകുന്നു.. അപ്പോഴാണ് അവന്‍ രാജ്യസ്‌നേഹിയായ പൗരനാവുന്നത്.. അല്ലെങ്കില്‍ അവന്‍ രാജ്യദ്രോഹിയാകുന്നു.

ലോകത്ത് മുസ്ലിം നാമധാരിയായതിന്റെ പേരില്‍ പോലും ത്രിവ്രവാദത്തിന്റെയും ഭീകരവാദത്തിന്റെയും പേരില്‍ വേട്ടയാടപ്പെടുന്ന മുസ്ലീമിനെ സംബന്ധിച്ചോടത്തോളം ഈ സിനിമ മുന്നോട്ട് വെയ്ക്കുന്ന മെസേജ് വളരെ വിപരീതമായി മാത്രമേ ഭവിക്കുകയുള്ളു. ഇന്ത്യയില്‍ മുസ്ലിം ഭീകരവാദം എന്ന ഒരു ഭീക്ഷണി വരാനിരിക്കുന്നുവെന്ന വാക്കുകളില്‍ തീരുന്ന സിനിമ. എന്നും ഒത്തിരി ആശയ സംവാദങ്ങള്‍ക്ക് കാരണമാവുന്ന സിനിമയെന്ന കലയ്ക്ക് ഇന്ത്യന്‍ ജനതയുടെയും ലോക ജനതയുടെയും മനസില്‍ യാഥാര്‍ത്ഥ്യത്തോളം തന്നെ വിശ്വാസമുണ്ട്. ഈ സിനിമ നല്‍കുന്ന മെസേജ് തീര്‍ച്ചയായും ഇന്ന് ത്രീവ്രവാദി എന്നതിലപ്പുറം ഭീകരവാദിയായി ഇന്ത്യന്‍ മുസ്ലീമിനെ ഇതര മതസ്ഥര്‍ കാണാനുള്ള കാരണമാവുമെന്നതിലും ഈ സിനിമ എതിര്‍ക്കപ്പെടുന്നില്ലെങ്കില്‍ ഈ സിനിമാ കഥ യാഥാര്‍ത്ഥ്യമായി പരിഗണിക്കപ്പെടും. പുകവലിയെ പ്രോത്സാഹിക്കപ്പെടുന്നുവെന്ന കാരണത്താല്‍ പുകവലി രംഗങ്ങള്‍ മുറിച്ചു മാറ്റുന്ന നാട്ടില്‍ പലതിനും നിയന്ത്രണങ്ങള്‍ ആവശ്യമാണ്.

പ്രണയത്തിന്റെ തീവ്രഭാവത്തില്‍ നിദ്ര

സിദ്ധാര്‍ത്ഥ് ഭരതന്റെ സംവിധാത്തില്‍ സദാനന്ദന്‍ രാങ്കോരത്ത്, ദെബോബ്രൊദോ മണ്ഡല്‍ എന്നിവര്‍ നിര്‍മ്മാണം നിര്‍വ്വഹിച്ച നിദ്രയുടെ ശക്തമായ തിരക്കഥ സന്തോഷ് എച്ചിക്കാനത്തിന്റെതാണ്.  സമീര്‍ താഹിറാണ് ക്യാമറ. റഫീഖ് അഹമ്മദ്, സന്തോഷ് വര്‍മ്മ എന്നിവരുടെ ഗാനങ്ങള്‍ക്ക് ജാസിഗിഫ്റ്റ് സംഗീതം പകര്‍ന്നു. മലയാള സിനിമയില്‍ തരംഗം സൃഷ്ടിച്ച ഭരതന്റെ നിദ്ര മുപ്പതു വര്‍ഷങ്ങള്‍ക്കുശേഷം മകന്‍ സിദ്ധാര്‍ത്ഥ് ഭരതന്റെ ഭാവനയില്‍ തിയറ്ററിലെത്തിയപ്പോള്‍ നവ്യാനുഭവമായിമാറി. കാലത്തിന്റെ മാറ്റങ്ങള്‍ ചിത്രത്തില്‍ പ്രകടമാകുമ്പോള്‍ പ്രേക്ഷകര്‍ക്ക് ഉള്‍ക്കൊള്ളാന്‍ കഴിയുന്നുവെന്നതാണ് ശ്രദ്ധേയം. പ്രണയത്തിന്റെ തീവ്രഭാവത്തെ മനോഹരമായി വരച്ചുകാട്ടാന്‍ യുവനടന്‍ കൂടിയായ സിദ്ധാര്‍ത്ഥ് ഭരതിന്റെ സംവിധാനത്തിന് കഴിഞ്ഞിരിക്കുന്നു. സിദ്ധാര്‍ത്ഥിന്റെ രാജു എന്ന കഥാപാത്രവും റിമകല്ലിംഗലിന്റെ അശ്വതിയും പ്രേക്ഷകര്‍ മറക്കില്ലായെന്നത്് ഇവരുടെ അഭിനയമികവിന് തെളിവാകുന്നു. താരങ്ങള്‍  സിദ്ധാര്‍ത്ഥ് ഭരതന്‍, തലൈവാസല്‍ വിജയ്, ജിഷ്ണു, വിജയ്മേനോന്‍, ശിവജി ഗുരുവായൂര്‍, മണികണ്ഠന്‍ പട്ടാമ്പി, രാജീവ് പരമേശ്വരന്‍, റിമകല്ലിംഗല്‍, കെ,പി.എസി. ലളിത, സരയൂ, അംബിക മോഹന്‍.

കഥാസാരം: മേനോന് രണ്ട് ആണ്‍മക്കള്‍. വിശ്വവും രാജുവും. ബിസിനസ്സുകാരനായ വിശ്വം വിവാഹിതനാണ്. കണ്ടു പിടുത്തങ്ങളുടെ ലോകത്താണ് രാജു. സ്നേഹനിധിയായ അമ്മയുടെ മരണം  രാജുവിനെ മാനസികമായി തളര്‍ത്തുന്നു. ഒറ്റപ്പെടലുകളുടെയും മാനസിക സഘര്‍ഷങ്ങളുടെയും ലോകത്തിലൂടെ സഞ്ചരിക്കുന്ന രാജു. ഒരു മാനസിക രോഗിയായി ചിത്രീകരിക്കപ്പെടുന്നു. തന്റെ കളിക്കൂട്ടുക്കാരിയായ അശ്വതിയാണ് രാജുവിന് ഈ അവസ്ഥയിലെ ഏക ആശ്രയമാവുന്നത്. രണ്ടു പേരുടെയും സ്നേഹം മനസിലാക്കുന്ന വീട്ടുകാര്‍ ഇവരുടെ വിവാഹം നടത്തുന്നു. രാജുവിന്റെ സാധാരണ ജീവിതത്തിലേക്കുള്ള തിരിച്ചു വരുവുകള്‍ക്ക് എപ്പോഴും വിലങ്ങാവുന്നത്. കുടുംബത്തിലെ തന്നെ ചിലരുടെ കുറ്റപ്പെടുത്തലുകളും സമര്‍ദ്ദങ്ങളും രാജുവിന്റെ മാനസിക നില ചില സമയങ്ങളില്‍ നിയന്ത്രണം നഷ്ടപ്പെടുത്തുന്നു. ഇത്തരം കുറ്റപ്പെടുത്തലുകളും സമര്‍ദ്ദങ്ങളും രാജുവിന്റെ രോഗാവസ്ഥയെ വര്‍ദ്ദിപ്പിക്കുമെന്ന മനോരോഗവിദഗ്ധന്റെ മുന്നറീപ്പുകളെ ചെവിക്കോളാത്ത വിശ്വത്തിന്റെയും വീട്ടിലെ മുറ്റുള്ളവകരുടെയും രാജുവിന്റെ സര്‍വ്വ കാര്യത്തിലുമുള്ള കടന്നു കയറ്റത്തില്‍ നിന്ന് രാജു ശക്തമായി പ്രതികരണം അവന്റെ മാനസിക നിയന്ത്രണം നഷ്ടമാക്കുന്നു. എല്ലാത്തരത്തിലുള്ള പ്രതിസന്ധികളിലും ഹൃദയം തുറന്നു സ്നേഹിക്കുന്ന അശ്വതി രാജുവിനെ സ്നേഹിക്കുന്നു. പൂര്‍ണ്ണമായും മാനസിക രോഗിയായ രാജുവിന്റെ കൂടെ മരണമെന്ന നിത്യമായ നിദ്രയില്‍ പുല്‍കുന്നതോടെ ചിത്രം പൂര്‍ണ്ണമാവുന്നു.

വേട്ടയാടപ്പെടുന്ന മതേതരവാദികള്‍

ഇന്ത്യയെന്ന ജനാതിപത്യ രാജ്യത്ത് മതേതരത്വം നിലനിര്‍ത്താനും ദേശീയ മൂല്യങ്ങള്‍ക്കായി നില കൊള്ളുകയെന്നതും തികച്ചും ദേശാസ്നേഹിയായ ഓരോ പൌരന്റെയും ധര്‍മമാണ്. എന്നാല്‍ മതേതരത്ത്വത്തിനായി നില കൊള്ളുന്നുവെന്ന ഒറ്റ കാരണത്താല്‍ നിരന്തരം മത സംഘടനകള്‍ വേട്ടയാടപ്പെടുന്നുവെന്ന് കവലകള്‍ തോറും പ്രസംഗിക്കുകയും ചാനലുകളിലും അച്ചടി പ്രസിദ്ധീകരണങ്ങളിലും പ്രചരിപ്പിക്കുകയും. ഈ വേട്ടയാടലുകളെ കുറിച്ച് വളരെ വ്യാകുലതയോടെ പ്രസ്താവനകള്‍ പുറപ്പെടുവിക്കുകയും ചെയ്യുന്ന ഇടതുപക്ഷത്തെയും വലതു പക്ഷത്തേയും കാവിയണിതും കാവിയണിയാത്തവരുമായ പുരോഗമന ആശയക്കാര്‍. മതേതരത്വത്തിന്റെ കാവലാളുകള്‍ എന്ന് സ്വയം വിശേഷിപ്പിച്ച്. മതേതരവാദികള്‍ ചെര്‍ന്ന് നടത്തുന്ന ഈ പ്രചാരണത്തിന് വല്ല സത്യവുമുണ്ടോ. ഇവരുടെ പകല്‍ കിനാവുകള്‍ നടപ്പിലാവാത്തതിന്റെ ദുഃഖത്തില്‍ നിന്ന് ഉയര്‍ന്നുവന്നതാണോ ഈ വാദം. ഈ വര്‍ത്തമാന കാല സംഭവങ്ങളിലൂടെ ചില കുത്തികുറപ്പുകള്‍.
രാജ്യത്തിന്റയും നാടിന്റെയും തന്നെ മതേതര മുഖമുദ്രകളയായ ഇത്തരം സാമൂഹിക പ്രവര്‍ത്തകരുടെ  മതേതരത്വപരമായ ഏത് രീതിയിലുള്ള പ്രവര്‍ത്തനമാണ് ഇവിടെത്തെ മതമൌലിക വാദികള്‍ക്ക് രസിക്കാതെ പോവുന്നതെന്ന ചോദ്യത്തിന് സത്യത്തില്‍ ഒരു പ്രശ്നവുമില്ലെന്നായിരിക്കും മതേതരക്കാരുടെ വേട്ടക്കാരെന്ന് ഇവര്‍ പ്രചരിപ്പിക്കുന്ന  മതമൌലിക വാദികളുടെ വശം. എന്നാല്‍ ചോദ്യം സ്വയം ചോദിക്കുകയും ഉത്തരം പറയുകയും ചെയ്യുന്നുവെന്ന വിചിത്രമായ രീതി മതേതരക്കാര്‍  പിന്‍തുടരുന്നത് കാരണം മതമൌലിക വാദികള്‍ക്ക് ഈ ചര്‍ച്ചയില്‍ പ്രവേശനമില്ല. മാത്രമല്ല. വര്‍ത്തമാന കാലത്തില്‍ ജനാതിപത്യ വ്യവസ്ഥയില്‍ ത്രീവ്രവാദിയും ഭീകരവാദിയും തിരിച്ചറിയല്‍ കാര്‍ഡ് കാണിച്ചാണ്  പ്രവര്‍ത്തിക്കുന്നതെന്ന തരത്തിലാണല്ലോ സര്‍ക്കാറിന്റെ ഭീകരതയ്ക്കെതിരെയുള്ള പോരാട്ടം. ചോദ്യവും ഉത്തരവും ഒരു ആശയത്തില്‍ നിന്നാവുമ്പോള്‍ വാദത്തിനും തര്‍ക്കത്തിനും സ്വന്തക്കാരോ അലെങ്കില്‍ സ്വന്തം മതത്തിലെ പരസ്പര പാര സംഘടനകളുടെയോ ഓശാന പാട്ടില്‍ വേട്ടമൃഗത്തെ കീഴ്പെടുത്താനുള്ള പട നയിക്കാന്‍ ശക്തിയും വൃത്തിയും വെടിപ്പുമുള്ള പാതയൊരുങ്ങുന്നു.
ഭീകരവാദത്തിന്റെയും ത്രീവ്രവാദത്തിന്റെയും വിളനിലമെന്ന് ഇവര്‍ പ്രചരിപ്പിച്ചിരുന്ന നമ്മുടെ രാജ്യത്തെ സംഘടനകള്‍ പലതും ജനാതിപത്യത്തിന്റെ പാതയില്‍ അണി ചേര്‍ന്നിരിക്കുന്നു. ഇവരുടെ പ്രവര്‍ത്തനത്തെ നോക്കി കാണുകയോ വിലയിരുത്തുകയോ ചെയ്യാതെ. ഇവരെല്ലാം ജനാതിപത്യത്തെ തകര്‍ക്കാനാണ് നിറം മാറുന്നതെന്ന പുതിയ വാദവുമായി ഇവര്‍ നിരന്തരം പിന്‍തുടര്‍ന്നു കൊണ്ടേയിരിക്കുന്നു. വരും കാലത്ത് മാറിയാലും ജനപ്രിയമെന്ന് പറയുന്ന പാര്‍ട്ടികളുടെ അത്രയും ഒരു മാറ്റം ആരും പ്രതീക്ഷിക്കരുതെന്നും ഇവര്‍ മന്നറിപ്പ് നല്‍കുയും ശക്തമായി വാദിക്കുകയും വിധിയെഴുതുകയും ചെയ്യുന്നു. ആര്‍ക്കു വേണ്ടിയാണിത്. ഈ നീക്കത്തിനു പിന്നിലെ പുത്തനാശയക്കാരുടെ ലക്ഷ്യമെന്താണ്.
തങ്ങളുടെ ആശയ സംരക്ഷണത്തിനോ പ്രചാരണത്തിനോ ഇത്തരത്തിലുള്ള  പ്രചാരണ പ്രവര്‍ത്തനങ്ങളുടെ ആവശ്യമില്ലെന്ന്  ഇവര്‍ തന്നെ സമതിക്കുമ്പോള്‍. പ്രത്യേക ലക്ഷ്യമില്ലാതെയുള്ള പ്രവര്‍ത്തനം കൊണ്ട് സംഭവിക്കുന്നത്. രാജ്യത്തെ ജനാതിപത്യത്തിലും അതിന്റെ ആശയത്തിലും വിശ്വസിച്ച് നാടിന്റെ മുന്നേറ്റത്തില്‍ പങ്കാളികളാവാന്‍ മതാചാരങ്ങള്‍ക്കൊപ്പം രാഷ്ട്രീയ ചിന്തകളേയും നെഞ്ചോടു ചേര്‍ക്കുന്ന വിശ്വാസിയെ രാജ്യ ദ്രോഹികളായി മുദ്ര കുത്താന്‍ അജണ്ടകള്‍ പാസാക്കുന്ന  സാമ്രാജ്യത്വ ശക്തികളുടെയും അവരുടെ കാര്യസ്ഥരായ കാവി ശക്തികളുടെ കൈപ്പാവകളായി മാറുകയാണോ ഇത്തരം ഹമീദുമാരും എന്നെമുമാരും ചെയ്യുന്നത്.
സത്യവും മിഥ്യയും കള്ളവും എല്ലാം സമം ചേര്‍ത്ത് സ്വീകരണ മുറികളില്‍ വിളമ്പുന്ന ചാനല്‍ തരംഗത്തില്‍ ഈ പാവകളെ ഫലപ്രദമായി സാമ്രാജ്യത്വ കാവികള്‍ ശക്തികള്‍ ഉപയോഗിക്കുന്നതായി തോന്നുന്നിയിടം. ചാനല്‍ ചര്‍ച്ചകളില്‍ ഇത്തരക്കാരുടെ പ്രകടനം കാണുമ്പോഴാണ്. പലപ്പോഴും മുസ്ലിം സംഘടകളുമായി ബന്ധപ്പെട്ട് ത്രീവ്രവാദ ആരോപണമോ മറ്റു പ്രശ്നങ്ങളോ വരുമ്പോള്‍ ദൃശ്യ മാധ്യമങ്ങളിലും വര്‍ത്തമാന പത്രങ്ങളിലും പ്രത്യക്ഷപ്പെടുന്ന മതേതരവാദികള്‍. മുസ്ലിം സംഘടനകളേയും ഇസ്ലാമിക വിശ്വാസ പ്രമാണങ്ങളും മനുഷ്യ കുലത്തിന് ഒരു തരത്തിലും പ്രയോജനമില്ലാത്തതാണെന്ന തരത്തില്‍ ജനങ്ങള്‍ക്ക് മുമ്പില്‍ വിടുവായത്വത്തിലൂടെ സമര്‍ത്തിക്കുകയും ചെയ്യുന്നതായി കാണാം.എന്നാല്‍ മറ്റു മതക്കാര്‍ കുറ്റാരോപിതരാവുമ്പോള്‍ ഇവരുടെ പ്രതികരണങ്ങള്‍ കാണാനാവുന്നില്ലെന്ന് മാത്രമല്ല. ഇത്തരം വര്‍ഗീയ സംഘടനകളുടെ പ്രവര്‍ത്തനങ്ങളുടെ കാര്യത്തില്‍ പിന്നാലെ നടന്ന് വിമര്‍ശിക്കാനോ അതിന് എതിരെ ജനശ്രദ്ധ ആകര്‍ക്ഷിക്കാനോ ഒരു വാക്ക് ഉരിയാടുന്നതായി കാണാറില്ല. മാത്രമല്ല. അവരുടെ പ്രശംസകള്‍ ഏറ്റു വാങ്ങുന്നതായും കാണാം.
എവിടെങ്കിലും ത്രീവ്രവാദവുമായി ഒരു മുസ്ലിമിനെ ബന്ധപ്പെടുത്തിയാല്‍ ചാനലുകള്‍ എഴുതിയ തിരക്കഥകളില്‍ തകര്‍ത്ത് അഭിനയിക്കാന്‍ കാട്ടുന്ന മിടുക്ക് ഇരകളാക്കപ്പെട്ടതാണെന്ന് ബോധ്യപ്പെട്ടാലും അവരുടെ മോചനത്തിനായോ സത്യസന്ധമായി സംഭവത്തെ ജനത്തിന് മുമ്പിലെത്തിക്കാനോ വാ തുറക്കാറില്ലെന്ന് പൊതു സംസാരം. ഇപ്പോള്‍ ത്രീവ്രവാദത്തിലും ഭീകരവാദത്തിലും മറ്റു മതക്കാരും കുറ്റാരോപിതരായപ്പോള്‍. കാവികള്‍ നിയന്ത്രിക്കുന്ന വാര്‍ത്താ മാധ്യമങ്ങള്‍ക്ക് ത്രീവ്രവാദവും ഭീകരതയും വിഷയമല്ലാതായപ്പോള്‍. ചാനല്‍ മുഖത്ത് പ്രത്യക്ഷപ്പെടാന്‍ പ്രവര്‍ത്തന മണ്ഡലം സ്വയം മാറ്റുകയോ മാറ്റപ്പെടുകയോ ചെയ്യ്തിരിക്കുന്നു.
വീര ദേശാഭിമാനി സ്വാതന്ത്യ്ര സമര നായകന്‍ മലബാര്‍ സിംഹം മുഹമ്മദ് അബ്ദുറഹിമാന്‍  സാഹിബിന്റെ ചരിത്രത്തെ ആസ്പദമാക്കി പി.ടി. കുഞ്ഞുമുഹമ്മദിന്റെ ചലചിത്രവുമായി ബന്ധപ്പെട്ട് ഇപ്പോള്‍ ഉയര്‍ന്നിരിക്കുന്ന ആരോപണങ്ങളും ഒന്നു പരിശോധിക്കേണ്ടിയിരിക്കുന്നു. മുനീറു മുതല്‍ അച്ച്യുതാന്ദന്‍ വരെ സാമ്രജ്യത്യ ശക്തികള്‍ക്ക് വിവരങ്ങള്‍ ചോര്‍ത്തുന്നുവെന്ന ആരോപണങ്ങള്‍ നിലനില്‍ക്കുന്ന വര്‍ത്തമാന കാലത്തില്‍ ഹമീദുമാരുടെ മലക്കം മറിച്ചിലുകള്‍ സംശയത്തോടെ ഒന്ന് ചിന്തിക്കേണ്ടിയിരിക്കുന്നു.
മലബാറിലെ സ്വാതന്ത്യ്ര സമരത്തിലും മറ്റു രാഷ്ട്രീയ കാര്യങ്ങളിലും മറ്റു മതസ്ഥരിലെന്ന പോലെ മുസ്ലിങ്ങളും പങ്കു കൊണ്ടിരുന്നുവെന്നും 'മാപ്പിള ലഹള'എന്നത് ഹിന്ദുവും മുസല്‍മാനും തമ്മില്‍ നടന്നതെല്ലെന്നും ഹിന്ദുവും മുസ്ലിമും ഒന്നിച്ചു പോരാടിയ സ്വാതന്ത്യ്ര സമരമാണ്  മലബാര്‍ വിപ്ളവമെന്നും പാഠ പസ്കങ്ങളില്‍  പഠിപ്പിക്കാതെയും കാവികള്‍ക്ക് ഹിന്ദുവിനെതിരെ മാപ്പിള നയിച്ച യുദ്ധമായി  വാമൊഴി ചരിത്രം സൃഷ്ടിക്കാനും പൂയ്ത്തിവെച്ച ചരിത്രം കാലത്തിന്റെ യവനികയില്‍ ചലചിത്രമായി പുറത്തു വന്നപ്പോള്‍ സത്യങ്ങള്‍ ജനം മനസിലാക്കുമെന്ന് ഭയക്കുന്ന അഴിമതിയിലും വാണിഭത്തിലും മുങ്ങിയ രാഷ്ട്രീയക്കാരന്റെ പൊള്ളയായ വാചകങ്ങളായ 'സത്യ സന്ധതയിക്കും വിശ്വാസത്തിനും. രാഷ്ട്രീയത്തില്‍ സ്ഥാനമില്ല' എന്ന അവരുടെ മുദ്രാവാക്യം ജനം മുഹമ്മദ് അബ്ദുറഹിമാന്റെ ജീവിതം കാണുമ്പോള്‍ മാറ്റപ്പെടുകയും അത് മാതൃകയാക്കി മുന്നേറിയാല്‍ എന്നോ ചവറ്റു കൊട്ടയില്‍ തള്ളേണ്ട രാഷ്ട്രീയം ജനം തട്ടി മാറ്റുമെന്ന തിരിച്ചറിവില്‍. മുഹമ്മദ് അബ്ദുറഹിമാന്‍ സാഹിബിന്റെ ചരിത്രത്തെ വാമൊഴി ചരിത്രവും ഇത്തരം സൃഷ്ടികളെ വെറും കെട്ടുക്കഥകളായും  ജനത്തിന് മുമ്പില്‍ ചിത്രീകരിക്കാനുള്ള ഗുഢ നീക്കത്തിന്റെ ഭാഗമാണെന്ന് ചിന്തിക്കേണ്ടിയിരിക്കുന്നു.
'വീരപുത്രന്‍' എന്ന ചലചിത്ര ചിന്തകള്‍. രാജ്യത്ത് നിലവില്‍ പ്രചാരം ലഭിച്ചിട്ടുള്ള 'മുസ്ലിം'  എന്ന ത്രീവ്രവാദിക്ക്. ദേശസ്നേഹികളുടെ ഒരു നിറം വരുമെന്ന് കരുതുന്ന സാമ്രജ്യത്യ ശക്തികളുടെയും  കാവി ശക്തികളുടെ ദല്ലാളുകളാണോ ഈ മതേതരക്കാരെന്ന്  സംശയിക്കേണ്ടിയിരിക്കുന്നു.
മനുഷ്യ സ്നേഹത്തിന്റെ നിറകുടവും. ഉറച്ച മത വിശ്വാസിയായും തികഞ്ഞ രാഷ്ട്രീയക്കാരനുമായി ജീവിച്ച് മരിച്ച സാഹിബിന്റെ ജീവിത മാര്‍ഗം. ഇപ്പോള്‍ വളര്‍ന്നു വരുന്ന പുതിയ രാഷ്ട്രീയ സംഘടനകള്‍ക്കും പുതു രാഷ്ട്രീയക്കാര്‍ക്കും പ്രചോദനമാവുമെന്ന് ഭയപ്പെടുന്ന. രാഷ്ട്രീയ കോമരങ്ങളുടെ അജണ്ടയുടെ ഭാഗമാണെന്ന് സംശയിക്കേണ്ടിയിരിക്കുന്നു. അഴിമതിയില്‍ മുങ്ങി കുളിച്ച് കള്ളനും വാണിഭക്കാരനും അരങ്ങ് വാഴുന്ന രാഷ്ട്രീയത്തില്‍ ഇടപ്പെടരുതെന്ന് വിപ്ളവ നായകനായി പിണറായികള്‍ പറയാന്‍ തുടങ്ങിയിട്ട് കാലം കുറച്ചായി. സത്യത്തേയും നീതിയേയും കറകളഞ്ഞ രാഷ്ട്രീയത്തേയും ജനകീയ രാഷ്ട്രീയക്കാര്‍ പേടിക്കുന്നുണ്ട്.
സത്യത്തിനും നീതിക്കുമായി നിലകൊണ്ട് ജീവിച്ചു മരിച്ച വീര നായകന്റെ ചലചിത്രത്തിലെ മരണത്തിന്റെ ചിത്രീകരണമാണ് വര്‍ത്തമാന കാലത്തില്‍ വിവാദമായതെങ്കില്‍. ഭാവിയില്‍ അദ്ദേഹത്തിന്റെ ജീവിതവും ജനം മാതൃകയാക്കുന്നതിലൂടെ വിവാദക്കാര്‍ക്ക് വീണ്ടും വിഷയമാവുമെന്നതില്‍ മലബാറിലെ വീര സിംഹത്തെ നെഞ്ചിലേറ്റുന്നവര്‍ക്ക് സന്തോഷിക്കാം.
അന്‍മ്പതിലേറെ വര്‍ഷങ്ങള്‍ക്ക് മുമ്പ് പാകിസ്ഥാനു വേണ്ടി വാദിച്ചു എന്നതും കാശ്മീര്‍ പാകിസ്ഥാന്റെ ഭാഗമാണെന്ന് പറഞ്ഞതിന്റെയും പേരിലാണോ ഇന്നിവിടെ ജീവിക്കുന്ന മുസ്ലീമിനെ രണ്ടാം തരം പൌരന്മാരായി നിലനിര്‍ത്തുന്നത്. മുസ്ലിം നാമധാരിയായി എന്നതിന്റെ പേരില്‍ ജയിലറകളില്‍ കിടക്കുന്നവന്റെയും പ്രതികരിച്ചാല്‍ ജയിലറയില്‍ കിടക്കേണ്ടി വരുമെന്ന ഭയത്താലും പ്രതികരിക്കാതിരിക്കുന്ന ജനത്തെ കൊഞ്ഞ കുത്തരുത് മതേതര കൈപ്പാവകളെ.
ഭരണക്കൂട ഭീകരതയില്‍ ഹോമിക്കപ്പെടുന്ന ഓരോ മനുഷ്യന്റെയും രോദനങ്ങള്‍ക്കും നിങ്ങളുടെ ചെവികള്‍ തുറന്നിരിക്കുക. ജന നന്മയ്ക്കെന്ന് നാം പറയുന്ന ജനാതിപത്യത്തിന്റെ യഥാര്‍ത്ഥ കാവലാളുകളാവുക നിങ്ങള്‍. എന്നാല്‍ സമൂഹം നിങ്ങള്‍ക്കൊപ്പമുണ്ട്.

ഓര്‍മകളിലെ ഒരു പെരുന്നാള്‍.

സൂര്യന്‍ പടിഞ്ഞാറില്‍ ഊള്ളിയിടുന്നു. ഞാന്‍ ചില സുഹൃത്തുകളും പുല്‍പറമ്പിലെ മാണിയുടെ ഇറച്ചി കടയില്‍ തൂക്കിയിട്ട പോത്തിന്റെ കൊറുവിന്റെ ഭംഗി നോക്കി. “എനിക്ക് ഒരു കിലോ” എന്ന് ആവര്‍ത്തിച്ച് അവര്‍ത്തിച്ച് പറഞ്ഞ് ഇറച്ചിയുടെ ലഭ്യത ഉറപ്പാക്കുന്ന തിരക്കിലാണ്. ചിലരാകട്ടെ നാട്ടിലെ മനുഷ്യരുടെ ഇറച്ചി വെട്ടുന്ന തിരക്കിലാണ്. എല്ലാം നല്ല തകൃതിയിലാണ്. മോലിയാക്കയുടെ വീട്ടില്‍ നിന്ന് മടക്കത്തില്‍ മൈലാഞ്ചി പറിക്കണം. കബീറാക്കയുടെ കടയില്‍ നിന്ന് പുതിയ കുപ്പായം തുന്നിയതും വാങ്ങണം. എനിക്ക് അങ്ങനെ അല്ലറ ചില്ലറ പണികളുണ്ട്.
“അല്ല, സത്യത്തില്‍ നാളെ പെരുന്നാള് ആകുമോ.” ആളേ എനിക്ക് അത്ര പരിചയമില്ല. എന്നാലും അയാളുടെ ആ സംശയം എനിക്കുമുണ്ടായിരന്നു. “പിന്നെ നാളെ ആയില്ലെങ്കില്. ചേന്ദല്ലൂരും മുക്കത്തും എല്ലാരും അറുത്തീണ്”. എന്തായാലും നാളെ തന്നെ പെരുന്നാള്.” അവിടെ കൂടി നിന്ന ഒരു പെരുത്ത മനുഷ്യന്‍ പറഞ്ഞു. അയാളുടെ വലിപ്പം കണ്ടിട്ടോ എന്നറിയില്ല, ആരു മറത്ത് ഒന്നും പറഞ്ഞില്ല. പെരുന്നാള്‍ നാളെയാകുക എന്നത് അയാളുടെ മാത്രമല്ല. ഇറച്ചി വാങ്ങിയവരുടെയും വാങ്ങാന്‍ നില്‍ക്കുന്ന ഞങ്ങളുടെയും ആവശ്യമായി മാറിയിരുന്നു. ഇപ്പോഴും എന്റെ സംശയം പിറവി കാണുന്നതിന് അനുസരിച്ചാണോ അതോ കച്ചവടക്കാരുടെ താല്‍പ്പര്യത്തിലാണോ പെരുന്നാള് ഉറപ്പിക്കുന്നതെന്നാണ്.
ഇറച്ചി വാങ്ങി വിരയില്‍ തൂക്കി. തിരിച്ചുള്ള നടത്തത്തില്‍ വേഗത കൂടുതലായിരിക്കും. പെരുന്നാളിന്റെ ഒരു നറുമണം  അടിച്ചു വീശി തുടങ്ങിയിരിക്കും. മഹ് രിബ് നമസ്ക്കാരത്തോടെ തുടങ്ങുന്ന തക്ബീര്‍ ധ്വനികള്‍ പള്ളികളില്‍ നിന്നുയരുമ്പോള്‍ എവിടെയും പെരുന്നാളിന്റെ ആഘോഷങ്ങള്‍ തുടങ്ങുകയായി. കുട്ടികള്‍ കൂട്ടമായി വന്ന് പള്ളിയില്‍ തക്ബീര്‍ ഏറ്റു ചൊല്ലുന്നു. തറയിട്ട കാഞ്ഞിരത്തിങ്ങല്‍ ഉമ്മറാക്കയുടെ തക്ബീറിന്റെ മാധുര്യം ഇന്നും എന്റെ ചെവിയില്‍ പ്രതിധ്വനിക്കുന്നു. വെസ്റ് ചേന്ദമംഗല്ലൂര്‍ മസ്ജിദുല്‍ അന്‍സാറില്‍ ഏറ്റവും സുന്ദരമായി തക്ബീര്‍ ചൊല്ലി എല്ലാവരുടെയും മനസില്‍ ഇടം നേടിയ ഉമ്മറാക്ക. പിന്നെ നമ്മുടെ വലിയക്കണ്ടത്തില്‍ മുസ്തഫയുമായിരുന്നു. താളത്തിലുള്ള തക്ബീല്‍ വിളി കേള്‍വിക്കാരനും കൂടെ ഏറ്റു ചെല്ലുന്നവര്‍ക്കും ഒരു പോലെ ഊര്‍ജ്ജം പകര്‍ന്നിരുന്നു.
അക്കിരടത്തില്‍ അബ്ദുറഹിമാന്റെ കുട്ടികളുടെ കളിസാധന പീടിക കുട്ടികളായ എന്റെയും സുഹൃത്തുകളുടെയും പ്രധാന ആകര്‍ഷണ കേന്ദ്രമായിരുന്നു. വിരിയുന്ന പൂവും തമ്മില്‍ കൊത്തുന്ന കോഴിയും കമ്പില്‍ ചാടിയിറങ്ങുന്ന കുരങ്ങനും, ബലൂണും കാറും ബസ്സും ലോറിയും എല്ലാം ഒരു പത്ത് ഇരുപത്തിയഞ്ചു രൂപയ്ക്ക് വാങ്ങാവുന്ന ഒരു അപൂര്‍വ്വ കമ്പോളം. കാലങ്ങള്‍ മാറിയപ്പോള്‍ വാട്ടര്‍ ബലൂണും റിമോര്‍ട്ട് കാറും രംഗം കീഴടക്കിയപ്പോള്‍ ഇരുപത്തിയഞ്ചില്‍ നിന്ന് നൂറുകളിലേക്ക് കുട്ടി കമ്പോളം വികസിച്ചു.
കാലത്തിന്റെ മാറ്റത്തില്‍ ഞാനും പെരുന്നാളിനെ ഒരു കച്ചവട കണോടെ നോക്കി തുടങ്ങി. സിപപ്പ് എന്ന കവറിലെ ഐസ്. കച്ചവടത്തിലൂടെ ഞാനും പെരുന്നാള്‍ പണം കണ്ടെത്തി തുടങ്ങി. തേങ്ങാ പാലുകൊണ്ട് തീര്‍ത്ത പാല്‍ ഐസ്സും മുന്തിരിയില്‍ തീര്‍ത്ത ഐസ്സും വിറ്റ് പള്ളി വിട്ട് ആളുകള്‍ നീങ്ങുമ്പോയേക്കും എന്റെ വ്യാപാരവും തീരും. പിന്നെ തറവാട്ടില്‍ ചെന്ന് ഭക്ഷണത്തിന് ശേഷം. കുടുംബ വീടുകളിലേക്ക് പുറപ്പെടുന്ന ഏതെങ്കിലും കൂട്ടത്തില്‍ ചേര്‍ന്ന് കുടുംബ സന്ദര്‍ശനത്തോടെ പെരുന്നാള്‍ ആഘോഷത്തിന്റെ കാര്യ പരിപാടിയിലേക്ക് കടക്കും. കുട്ടികാലത്തെ ആഘോഷത്തിന്റെ പൊലിമ ഒട്ടും നഷ്ട്ടപ്പെടാതെ ഇപ്പോഴും ആഘോഷങ്ങളില്‍ ഞാനുണ്ടാവാറുണ്ട്

പെരുന്നാള്‍ നമസ്കാരം കഴിഞ്ഞാല്‍ ഖുതുബയുടെ അവസാനത്തോടെ തന്നെ പുറത്തിറങ്ങും ചെറിയ കുട്ടികള്‍ ഉണ്ടെങ്കില്‍ എണീറ്റു പോരുന്നതിന് ഒരു കാരണവുമായി. റബര്‍ ബാറ്റില്‍ കെട്ടിയ ബലൂണിന്റെയും പീപിയുടെയും വിളികള്‍ കുട്ടികളെ പുറത്തേക്ക് അകര്‍ഷിക്കും. പള്ളിയില്‍ നിന്ന് അല്ലാവരും പുറത്തിറങ്ങിയാല്‍  എല്ലാവര്‍ക്കും ആശംസകള്‍ ചൊല്ലി വിശേഷങ്ങള്‍ തിരക്കി. ചുറ്റി തിരിയും. പ്രവാസിക പള്ളിയുടെ അടുത്തുള്ള ഉമ്മയുടെ വീട്ടില്‍ ഒരു ഹ്രസ്വ സന്ദര്‍ശനം നടത്തി വീണ്ടും പള്ളിയുടെ അടുത്ത് വരും സുഹൃത്തുക്കളുമായി അമ്പലത്തിങ്ങല്‍ ബഷീറിന്റെ വീട്ടില്‍ തുടങ്ങുന്ന വീടു സന്ദര്‍ശനങ്ങള്‍ കണ്ണങ്ങര ഫജുറുവിന്റെയോ സനു ശിഹാബിന്റെയോ വീട്ടില്‍ അവസാനിക്കുന്നത്. പുതിയ പെരുന്നാള്‍ ആഘോഷങ്ങള്‍. ഇപ്പോള്‍ പെരുന്നാള്‍ ദിനത്തിലെ പള്ളി പരിസരത്തെ കൂട്ടം കൂടലില്‍ പ്രവാസികള്‍ക്ക് നല്ല ഡിമാന്റാണ്. റംസന്‍ പിരിവിന് കിട്ടാത്തവരാണെങ്കില്‍ അവരെ പിടി കൂടാന്‍ നില്‍ക്കുന്നവരും പരിചയം പുതുക്കുന്നവരും എല്ലാം സ്ഥിരം കാഴ്ചയായിരിക്കുന്നു.

പള്ളി പരിസരത്തെ കൂട്ടം ചെറിയ ചെറിയ കൂട്ടങ്ങളായി നീങ്ങി തുടങ്ങും. പള്ളി പൂട്ടി നമ്മുടെ ആലിയാക്ക പുഞ്ചിരി തൂകി  കുശലം പറഞ്ഞ് നടന്നു നീങ്ങുന്നതോടെ പള്ളിയിലും പരിസരത്തുമുള്ള ആഘോഷങ്ങള്‍ക്ക് അവസാനമാവും. പള്ളിയില്‍ നിന്ന് ആലിയാക്ക വിരമിച്ച ഒരു പെരുന്നാളിന് അദ്ദേഹത്തെ കുറിച്ച് കൂട്ടായ്മ പൊറ്റശ്ശേരി ഒരു സപ്ളിമെന്റ് പ്രസിദീകരിച്ചിരുന്നു. ചെറുപ്പ വലിപ്പ വ്യത്യാസമില്ലാതെ എല്ലാവരേയും പുഞ്ചിരിയോടെ എതിരേറ്റ "പുള്ളത്തിയുടെ മനസായിരിക്കണം മനുഷ്യനെന്ന് '' പറയാറുണ്ടായിരുന്ന ആലിയാക്ക ഏതാനും മാസങ്ങള്‍ക്ക് മുമ്പ് നമ്മെ വിട്ടു പിരിഞ്ഞു.    പള്ളിമുക്രിയെന്ന വാക്കിന് പകരം "ആലിയാക്ക''യെന്ന് മാറ്റിയ സ്നേഹ നിധിയായ കാരണവര്‍. ഒരു സമൂഹത്തിന് മുഴുവന്‍ നല്ലത് മാത്രം പറയാനുള്ള ഒരു മനുഷ്യന്റെ പേര്  നാട്ടുക്കാരുടെ മനസില്‍ എന്നും നിറഞ്ഞു നില്‍ക്കുന്നുണ്ട്. ഞാനോര്‍ക്കുന്നു. പൊറ്റശ്ശേരിയിലെ മസ്ജിദുല്‍ ഫത്തിഹിന്റെ ഉദ്ഘാടനം കഴിഞ്ഞപ്പോള്‍  മുക്രിയാരാണെന്നതിന് പകരം നാട്ടുക്കാരു ചോദിച്ചത് ഈ പള്ളിയിലെ ആലിയാക്ക ആരാണെന്നായിരുന്നു. പേവുംതോടത്തില്‍ കോയസനാക്ക ഉമ്മറാക്ക എല്ലാവരും സന്തോഷകരമായ ഓര്‍മ്മകളില്‍ നിറയുന്നു. അല്ലാഹുവിലേക്ക് മടങ്ങിയ ഇവര്‍ക്ക് ദൈവം സ്വര്‍ഗം നല്‍കി അനുഗ്രഹിക്കട്ടെ.

ബന്ധങ്ങള്‍ ഊട്ടിയുറപ്പിക്കാനും സ്നേഹ ബന്ധങ്ങള്‍ പുതുക്കാനും എന്നും പെരുന്നാള്‍ ദിനങ്ങള്‍ മുതല്‍ കൂട്ടാണ്. എല്ലാവര്‍ക്കും സന്തോഷകരമായ ഈദുല്‍ ഫിത്വര്‍ ആശംസകളോടെ..................

പുണ്യ പിരിവിന്റെ പൂക്കാലം

പുണ്യങ്ങളുടെ പൂക്കാലമായ റംസാന്‍ അതിന്റെ ഇരുപത് ദിനങ്ങള്‍ പിന്നിട്ട്. എനിയുള്ള പത്തിലേക്ക് എത്തിയിരിക്കുന്നു. ക്ഷമിക്കണം ഒരു തിരുത്തുണ്ട്. വ്യാപാരി വ്യവസായി മത നേതാക്കള്‍ തീരുമാനിക്കുകയാണെങ്കില്‍ അവര്‍ക്ക് ബോധിക്കും പോലെ. റംസാന്‍ മാസ പിറവിക്ക് വലിയ കോലാഹലമൊന്നും കണ്ടില്ല. എല്ലാവര്‍ക്കും ദൈവ രക്ഷയുണ്ടാവട്ടെ. ശവ്വാല്‍പിറ കാണുകയാണെങ്കില്‍ ഗള്‍ഫും ഇന്ത്യയുമായി ഒന്നര മുതല്‍ നാലു വരെ മണിക്കൂറിന്റെ വ്യത്യാസമുണ്ട്. അതു കൊണ്ട് ഒരു ദിവസത്തിന്റെ മാറ്റം ചിലപ്പോള്‍ സംഭവിക്കാം. നിങ്ങള്‍ ആരേയും കുറ്റപ്പെടുത്തിയിട്ട് കാര്യമില്ല. കാര്യങ്ങള്‍ നമ്മള്‍ കാത്തിരുന്നു കാണുക. ‘പിറ’ കാണാതെ നോമ്പായാലും പെരുന്നാളായാലും പാടില്ല. വിശ്വാസ സംരക്ഷണം. മനുഷ്യവകാശത്തില്‍ പെട്ടതാണ്.
റംസാന്‍ ആയതിന് ശേഷം ഏതു വീട്ടിലും ചെന്ന് വിളിച്ചാല്‍. പ്രത്യേകിച്ച് നമ്മുടെ കൈവശം വല്ല പുസ്തകവും കണ്ടാല്‍ വീടിന്റെ ഉള്ളില്‍ ഒരു ശബ്ദം കേള്‍ക്കും “മൂപ്പര് ഇവടെല്ല. നാളെ വന്നോളി”.പൂക്കാലത്തിലെ പിരിവുക്കാരെ പേടിച്ചാണ് ഇത്തരം ശബ്ദങ്ങള്‍ പുറപ്പെടുന്നത്. പള്ളികളില്‍ ഇടത്തും വലത്തും പിരിവാണ്. പിരിവെടുക്കുന്നവരെ തെറ്റ് പറയാന്‍ പറ്റില്ല. കാരണം പതിനൊന്ന് മാസവും സ്വന്തത്തിനും ഒരു മാസം പടച്ചോനും എന്ന നിലയില്‍ കാര്യങ്ങള്‍ മാറുമ്പോള്‍ കിട്ടിയ സീസണിനെ ലാഭകരമാക്കുക എന്ന കച്ചവട തന്ത്രം പ്രയോഗിക്കുന്നതില്‍ എന്താണ് തെറ്റ്. തെറ്റ് ഇവിടെയല്ല ചില യത്തിംഖാന പിരിവുക്കാരുണ്ട് പണക്കാരനും പാവപ്പെട്ടവനും ഒന്നും പ്രശ്നമാക്കാതെ വീട്ടില്‍ കയറി കിട്ടിയാലെ പോകൂ എന്ന നിലയിലുള്ള ഒരു നില്‍പ്പാണ്. മീന്‍ വാങ്ങാന്‍ വച്ച പൈസ എടുത്ത് പുണ്യം നേടി. നൂറു പണ്ടാരമടങ്ങാന്‍ വിളിച്ച് അവനവന്റെ ദാരിദ്രത്തെ ശപിക്കുന്ന പാവങ്ങളെ തിരിച്ചറിയാനെങ്കിലും ബോധമുള്ളവരെ വേണം റസീവര്‍മാരാക്കാനെന്നു എനിക്ക് തോന്നുന്നു.
കവലകളായ കവലകളിലെല്ലാം ഇഫ്ത്താറുകള്‍ അരങ്ങു തകര്‍ക്കുന്നു. സാഹോദര്യവും പരസ്പര സഹകരണവും മതമൈത്രിയും ഊട്ടിയുറപ്പിക്കാന്‍ അമ്പലം ശാന്തി മുതല്‍ കപ്പ്യരുവരെ പരിപാടികളില്‍ നിറസാന്നിദ്യമാവുന്നു. സന്തോഷം. ഇസ്ലാമിന്റെ ആരാധനാ കര്‍മങ്ങളുടെ മഹത്വം ഇതര മതസ്ഥരിലും എത്തുകയെന്നത് നല്ല കര്‍മം. എല്ലാ സല്‍കര്‍മങ്ങളും ദൈവം സ്വീകരിക്കുമാറാവട്ടെ.
ജമാഅത്ത് മുജാഹിദ് തുടങ്ങിയ വിഭാഗങ്ങള്‍ ജനങ്ങളുടെ പരസ്പര സാഹോദര്യം വളര്‍ത്താന്‍ സ്വന്തമായി പ്രത്യേകം പരിപാടികളാണ് നടത്താറുള്ളത്. സുന്നിക്ക് പിന്നെ ഹിന്ദു ഹറാമായതിനാല്‍ അവര്‍ക്ക് ശാന്തിയും കപ്പ്യാരും ഹല്ലാലാവുത്ത് വല്ല പച്ച കൊടിയും അലെങ്കില്‍ ചുവപ്പു കൊടിയും പാറുന്ന പന്തലിലാവുമ്പോഴാണ്. എല്ലാം പറഞ്ഞു എന്നെ ഉള്ളു.
സാഹോദര്യവും പരസ്പര സഹകരണവും മതമൈത്രിയും ഊട്ടിയുറപ്പിക്കാന്‍ എല്ലാവരും കിണഞ്ഞ് പരിശ്രമിക്കുമ്പോള്‍ ഈ വിഭാഗങ്ങളുടെ സാഹോദര്യവും പരസ്പര സഹകരണവും ആരു ഊട്ടിയുറപ്പിക്കും. അവസാന നാളില്‍ മുസ്ലിം എഴുപത്തഞ്ച് വിഭാഗങ്ങളാവും ഞാനെവിടെയോ കേട്ടിട്ടുണ്ട്. തെറ്റുണ്ടെങ്കില്‍ ക്ഷമിക്കുക.
എ.ടി.എം കൌണ്ടറിലും ബാങ്കുകളിലും നല്ല പുത്തന്‍ നോട്ടുകള്‍ ഇറങ്ങി തുടങ്ങിയിരിക്കുന്നു. അടുത്ത ഏതാനും ദിവസങ്ങള്‍ക്കുള്ളില്‍ കവറു സക്കാത്തുകളായോ സക്കാത്ത് കമ്മറ്റിയുടെ മറ്റു പ്രവര്‍ത്തനങ്ങളില്‍ കൂടിയോ നമ്മുക്കിടയില്‍ വന്നു ചേരും. കാത്തിരിക്കുക. മുജാഹിദ് സക്കാത്ത് ജമാഅത്ത് സക്കാത്ത്. പുല്‍പറമ്പില്‍ നിന്ന് ഫാരിസ് അബൂബക്കറിന്റെ പേരില്‍ നേര്‍ച്ചയാക്കപ്പെട്ട പ്രത്യേക സക്കാത്ത്. സക്കാത്ത് പവപ്പെട്ടവന്റെ അവകാശമാണ്. അതില്‍ തലയിടരുത്. പാവപ്പെട്ടവന്‍ കഞ്ഞി കുടിക്കട്ടെ.
മുജാഹിദും ജമാഅത്തും സുന്നിയും സക്കാത്തിന്റെ കാര്യത്തില്‍ ഒരുമിച്ചാല്‍ എല്ലാം പോവും. മുപ്പത് കില്ലോ അരിയും ജമാഅത്തില്‍ നിന്നും മുജാഹിദില്‍ നിന്നും കിട്ടുന്ന ഇരുനൂറു രൂപ വച്ചുള്ള സക്കാത്ത്. സുന്നികള്‍ക്ക് പിന്നെ ഇതു ബാധകമല്ല. അവര്‍ക്ക് പള്ളിയിലെ ഉസ്താദിന് പൊരിച്ചതും കരിച്ചതും കൊടുത്ത് ആളാവുന്നതില്ലാ പുണ്യം. സക്കാത്ത് സങ്കടിതമായി കൊടുക്കണം. ഇസ്ലാമികമായി സക്കാത്തിന് അതിന്റെതായ സ്ഥാനമുണ്ട്. ഞാനൊന്നും പറഞ്ഞില്ല എന്നല്ല.
പുണ്യങ്ങളുടെ പൂക്കാലത്തില്‍ വിരലില്‍ എണാവുന്ന ദിനങ്ങള്‍ മാത്രം. ആയിര മാസങ്ങളെക്കാള്‍ പുണ്യമാക്കപ്പെട്ട രാവിനെ നേടാന്‍ ദൈവം എല്ലാ ലോകരേയും അനുഗ്രിക്കട്ടെ.

ശ്രദ്ധക്കു വേണ്ടി: ശബ്ദ മലിനീകരണം വലിയ പ്രശ്നമാണ്. പാലിയേറ്റീവിനു വേണ്ടിയുള്ള മുക്കം അങ്ങാടിയിലെ വിളിച്ചു പറയല്‍ യത്രക്കാര്‍ക്ക് വലിയ ബുദ്ധിമുട്ടുണ്ടാക്കുന്നു. ശബ്ദം പ്രശ്നമുള്ള രോഗികള്‍ യാത്രക്കാരിലും കച്ചവടക്കാരിലുമുണ്ടെന്ന് മനസിലാക്കുമെന്ന് കരുതുന്നു. ഇതിലും എന്തെങ്കിലും പറഞ്ഞാല്‍ പാവപ്പെട്ടവന് കിട്ടുന്ന സഹായം ഇല്ലാതാവുമെന്ന് ഭയക്കുന്ന പാവം രോഗി മിണ്ടാതിരിക്കുന്നു.

നമ്പീശന്റെ മഴ പുരാണം

മഴക്കാലം എന്നത് യാത്ര മുടക്കിയാണെന്നാണ് നമ്പീശന്‍ എന്ന നമ്മുടെ തനി നാടന്‍ ഗ്രാമീണന്റെ അഭിപ്രായം. “പാണ്ടാരമടങ്ങാന്‍ ഒരു മഴ. എടങ്ങേറു പിടിപ്പിക്കുന്ന മഴ” എന്നു തുടങ്ങി നാട്ടിന്‍ പുറത്തും നഗരത്തിലും മഴക്കെതിരില്‍ ശാപ വാക്കുകള്‍ പലതുണ്ട്. എന്നാല്‍ മെയ്യ് അവസാനത്തോടെ എങ്ങാനും മഴയുടെ ലാചന കണ്ടിലെങ്കില്‍ അപ്പോള്‍ പഴി ചൂടിനാണ്. ചുരുക്കത്തില്‍ പണ്ട് കുരങ്ങ് നീര്‍കോലിയെ പിടിച്ച അവസ്ഥയിലുള്ള സംസാരവും പ്രവര്‍ത്തിയുമാണ് മനുഷ്യര്‍ക്ക്. വന്നാല്‍ വന്നതിന്റെ പ്രശ്നം പോയാല്‍ പോയതിന്റെ പ്രശ്നം
നടവഴിയിലുള്ള പ്ളാവിലെ പഴുത്ത ചക്ക് വീണ് വഴി വൃത്തി കേടായത്തിന്റെ കുറ്റവും നമ്പീശന്‍ ചാരുന്നത് മഴയിലേക്കാണ്. ചീരയുടെ വീടിന്റെ മുകളില്‍ തൂങ്ങി നിന്നിരുന്ന തേക്കിന്‍ കൊമ്പ് വീണ് വീടിന്റെ ഉത്തരം മുറിഞ്ഞതിന്റെ കാരണം മഴയും സര്‍ക്കാറുമാണെന്ന് നമ്പീശന്റെ പരാതി. എവിടെ മഴക്കാലമെന്നാല്‍ ഇങ്ങനെയെല്ലാമാണെന്ന് മുന്‍കരുതലില്ലാത്തതെല്ലേ സത്യത്തില്‍ പ്രശ്നം. പറഞ്ഞു തീര്‍ന്നില്ല നമ്പീശന് ദേഷ്യം വന്നു. മുഖം ചുവന്നു പീടിക കോലായില്‍ നിന്ന് എണീറ്റ് പുറത്തേക്കിറങ്ങി. കഷണ്ടി കേറി ശൂന്യമായ തലയില്‍ ആ ദിവസത്തേക്ക് ആ നാട്ടില്‍ അനുവദിച്ച കോട്ടയിലെ മഴയുടെ ആദ്യ കണം വന്നു വീണു. നമ്പീശന്റെ മുഖമൊന്നു കണേണ്ടതായിരുന്നു. വെള്ള മെന്നത് സത്യത്തില്‍ നമ്പീശനു ദേഷ്യമാണ്. കാരണം നമ്പീശന്റെ വീട് ഒരു വയലിന്റെ അടുത്താണ്. വെള്ളപൊക്കം വന്നാല്‍ സാധന ജങ്കമങ്ങള്‍ എല്ലാമെടുത്ത് പുതിയ ഇടതേടെണ്ടി വരും. ഇതു സത്യത്തില്‍ മഴക്കാലത്തേയും വെള്ള പൊക്കത്തേയും പാടി പുകഴ്ത്തുമ്പോള്‍ നമ്പീശനു ദേഷ്യം വരുന്നത്.
മഴതുള്ളി കിലുക്കം. എന്ന വാക്ക് കേട്ടാല്‍ നമ്പീശന്‍ ചോദിക്കും മഴതുള്ളിക്ക് എന്ത് കിലുക്കം പ്രേതത്തിന്റെ പാദസരത്തിന്റെ കിലുക്കം ആസ്വദിക്കാന്‍ ആരെങ്കിലും ഇഷ്ട്ടപ്പെടുമോ. എന്തൊക്കെയായാലും നമ്പീശന്‍ മഴക്കാലത്തിനായി കാത്തിരിക്കും കൃഷിയിറക്കാന്‍. എല്ലാത്തരത്തിലുള്ള വിത്തുകളും പണിയായുധങ്ങളുമായി. നമ്പീശനും മഴയും ഒരു ഒത്തു തീര്‍പ്പിലെത്തുന്ന ഏക വ്യവസ്ഥകള്‍ കൃഷിയുടെ കാര്യത്തിലും മഴക്കാലത്തില്‍ സജീവമാകുന്ന ചെറു തോടുകളില്‍ ചെറു മീനുകളെ കാണുമ്പോഴും തോട്ടില്‍ കളിക്കുന്ന കുട്ടികളെ കാണുമ്പോഴുമാണ്.
നമ്പീശന്‍ മഴക്കാലത്തിന്റെ സംഭവിക്കുന്ന തെറ്റുശരിയും പരതി അങ്ങനെ സഞ്ചരിക്കാറുണ്ട്. വെറുതെ ഒന്നിനെ കുറിച്ചും കുറ്റവും കുറവും മെച്ചവും പറയരുത് എന്നതാണ് നമ്പീശന്റെ തത്ത്വം. എല്ലാവരും ഇത്തരത്തിലാവണമെന്നതുമാണ് നമ്പീശന്റെ അഭിപ്രായം…….